இடுகைகள்

August, 2015 இலிருந்து இடுகைகளைக் காட்டுகிறது

பிடித்தலும் பிடிக்காதலும்

உனக்குப் பிடித்ததெல்லாம்
எனக்கும் பிடித்ததும்
எனக்குப் பிடித்ததெல்லாம்
உனக்கும் பிடித்ததும்
உனக்குப் பிடிக்காததெல்லாம்
எனக்கும் பிடிக்காமல் போனதும்
எனக்குப் பிடிக்காததெல்லாம்
உனக்கும் பிடிக்காமல் போனதும்
இந்த விளையாட்டின் ஆதி நுட்பங்கள்

உனக்குப் பிடிக்காதவர்களும்
எனக்கும் பிடிக்காமல் போனது
ஏற்றுக் கொள்ள இயலாததோர் இலக்கணமாகத்தான் இருக்கிறது
இன்னமும்

இவையெல்லாம்
சிறிது முற்றிய நிலையில் நிகழ்கிற பிறழ்ச்சிகள் என்று
விட்டு விட்டுப் போய்விடலாந்தான்

ஆனாலும்
ஒரேயொரு கேள்வி மட்டும்
அறுத்துக் கொண்டே இருக்கிறது
இன்னமும்

அதன்படியே
உனக்குப் பிடிக்காத என்னையும்
எனக்குப் பிடிக்கவில்லை இப்போது!

அப்படியானால்
எனக்குப் பிடிக்காத உன்னையும்
உனக்குப் பிடிக்காமல் போயிருக்க வேண்டுமே?!

போயிருக்கிறதா?!!

உள்ளிருக்கும் மிருகம்

பச்சை விளக்கு
மஞ்சளாகும் வேளையில்
மிருகமாகி...
எல்லை தாண்டியதும்
மீண்டு(ம்)
மனிதத்துக்குத் திரும்பி விடுகிறோம்!