வியாழன், ஏப்ரல் 14, 2011

தேர்தல் நாள்

நாடு மதிச்சதில்லை
வீடு மதிச்சதில்லை
தாய் மதிச்சதில்லை
சேய் மதிச்சதில்லை
நாய் கூட மதிச்சதில்லை
நாலு வாரம் முன்பு வரை

போன ஒரு மாசம்
ஊரெல்லாம் கொண்டாட்டம்
ஒரே திருவிழாக் கூத்தாட்டம்

வெள்ளை வேட்டிக்காரரெல்லாம்
விரட்டி விரட்டி மதிச்சார்கள்
வீடு தேடி வந்தார்கள்

கரை வேட்டிக்காரரெல்லாம்
காசு கொடுத்து மதிச்சார்கள்
காலில் கூட விழுந்தார்கள்

இம்புட்டு நாளாக
எனக்கே தெரியவில்லை
எம்புட்டுப் பெரிய ஆளு
இந்த நாட்டுக்கு நானென்று

போதை இறங்கும் முன்பே
பேதை ஒருத்தன் சொல்லுகிறான்
இன்றோடு முடிந்ததெல்லாம்
இனி திரும்பவும் நான் செல்லாக்காசாம்

ஏப்பு!
அடுத்த தேர்தலெப்போ?
அதைக் கேட்டுக் கொஞ்சம் சொல்லுங்கப்பு...

அஞ்சு வருசம் காக்கணுமா?
அதுக்கிடையில் வாய்ப்பிருக்கா?

2 கருத்துகள்:

LinkWithin

Related Posts Plugin for WordPress, Blogger...