திங்கள், நவம்பர் 07, 2016

வட்டத்துக்கு வெளியே

உங்கள் வட்டத்துக்குள்
வந்து வாழ்ந்து பார்த்தால்தான்
உங்கள் நியாயங்கள் புரிபடும்
என்பது புரிகிறது

ஒவ்வொரு வட்டத்துக்கும்
தனித்தனி நியாயங்கள்
இருக்கின்றன என்பதால்

ஒரு வட்டத்துக்குள் வந்து
சிக்கிக் கொண்டு விட்டால்
பிற வட்டங்களின் நியாயங்கள்
புரிய முடியாது போய்விடும் என்பதால்

நாளை நானும்
பிற வட்டங்களை
இருக்க விடுவதே தவறு என்று கூட
நியாயம் பேசத் தொடங்கி விடுவேன் என்பதால்

வட்டங்களுக்கு வெளியிலேயே
வாழ்ந்துவிட்டுப் போகிறேன்
விடுங்கள்

கருத்துகள் இல்லை:

கருத்துரையிடுக

LinkWithin

Related Posts Plugin for WordPress, Blogger...